செய்திகள்

CIT கல்லுரியில் நடைபெற்ற “வணிக மாற்றத்திற்கான டிஜிட்டல் கண்டுபிடிப்பு” விரிவுரை!

Published

1 year ago

February 9, 2024

ebehind

CIT, மேலாண்மையியல் துறை, “வணிக மாற்றத்திற்கான டிஜிட்டல் கண்டுபிடிப்பு” என்ற தலைப்பில் 08.02.2024 அன்று விருந்தினர் விரிவுரை ஏற்பாடு செய்யப்பட்டிருந்தது. விருந்தினராக முனைவர் கபாலி பி சுப்ரமணியன், கல்வி தலைவர், அரபு திறந்தவெளி பல்கலைக்கழகம், ஓமன் கலந்துகொண்டு மாணவர்களிடம் உரையாற்றினார். புதுமையான சிந்தனை தொடர்பான பல்வேறு குறிப்புகளை அவர் மாணவர்களுக்கு வழங்கினார் மற்றும் எதிர்கால டிஜிட்டல் தொழில்நுட்பத்தின் வளர்ச்சி பற்றி விளக்கினார்.

அவர் வியூக மேலாண்மையில் தனது ஆர்வத்தை அதிகரித்த இரண்டு முக்கிய கூறுகள் பற்றி கூறினார் அதிவேக தொழில்நுட்பம் மற்றும் டிஜிட்டல் தொழில்நுட்பம். அறிவைத் தூண்டும் பல்வேறு சிந்தனைச் செயல்பாடுகளை அவர் மாணவர்களுக்கு அளித்தார். இன்றைய தலைமுறை ஆசிய நூற்றாண்டை எட்டியுள்ளது என்று கூறிய அவர், இந்தியாவை “மென் சக்தி” என்று குறிப்பிட்டார். MBA மாணவர்களை ஆட்சேர்ப்பு செய்யும் போது நிறுவனங்கள் எதிர்பார்க்கும் சிறந்த 10 திறன்கள் பற்றிய ஆய்வின் உதாரணத்துடன் வியூக சிந்தனையின் முக்கியத்துவம் குறித்து அவர் தெளிவாக விளக்கினார்.

வியூக சிந்தனையின் முக்கியத்துவம் பற்றிய தனது கண்ணோட்டத்தையும் அவர் கூறினார். வியூக சிந்தனை என்பது வடிவமைப்பு, தொழில்முனைவு, வடிவமைப்பு சிந்தனை, புதுமை மற்றும் அமைப்பு சிந்தனை ஆகியவற்றின் இணைப்பு ஆகும். கேள்விகள், சரியான கண்ணோட்டத்தில் புரிந்து கொள்ளுதல், கவனித்தல், மக்கள் தொடர்புகளை ஏற்படுத்தும் திறன்கள் மற்றும் பரிசோதனை செய்தல் முதலிய புதுமைக்கு பங்களிக்கும் கூறுகளைய அவர் குறிப்பிட்டார்

வினீத் நாயர் எழுதிய “பணியாளர் முதல் வாடிக்கையாளர் இரண்டாவது” என்ற புத்தகத்தைப் படிக்கவும் மாணவர்களுக்கு அவர் பரிந்துரைத்தார். மொத்தத்தில் இந்த அமர்வு சுவாரஸ்யமாகவும் தகவலறிந்ததாகவும் இருந்தது. உலகில் தனித்துவமாக நிற்பதற்கு புதுமையான சிந்தனையின் முக்கியத்துவம் குறித்த சித்தாந்தத்தை அது நமக்கு வழங்கியது. புதுமை பல்வேறு பிரச்சனைகளை தீர்க்க உதவுகிறது.

செய்திகள்

மாநிலங்களவை எம்.பி.,ஆகிறார் கமல்ஹாசன்!

Published

3 weeks ago

May 28, 2025

ebehind

முறுமலர்ச்சி திராவிட கழகத்தின் தலைவர் வைகோ, பாமக அன்புமணிராமதாஸ் உள்ளிட்ட 6 தமிழக எம்.பி.க்களின் பதவிக்காலம் விரைவில் முடிகிறது. புதிய எம்.பி.க்களை தேர்ந்தெடுப்பதற்கான மாநிலங்களவை தேர்தல் ஜூன் 19-ந் தேதி நடக்க6 தமிழக எம்.பி.க்களின் பதவிக்காலம் முடிவடைவதால் புதிய எம்.பி.க்களை தேர்ந்தெடுப்பதற்கான மாநிலங்களவை தேர்தல் ஜூன் 19-ந் தேதி நடக்க உள்ளது . இதில் திமுக சார்பில் போட்டியிடும் நான்கு இடங்களில், மூன்று இடங்களுக்கு தி.மு.க வேட்பாளர்களும், மற்றுமுள்ள ஒரு இடத்திற்கு ஏற்கெனவே செய்துகொண்ட ஒப்பந்தத்தின்படி மக்கள் நீதி மய்யம் கட்சிக்கு ஒரு இடம் ஒதுக்கப்படுவதாக திமுக தலைவரும் தமிழக முதல்வருமான மு.க .ஸ்டாலின் அறிவித்துள்ளார் .

இதென்படி மக்கள் நீதி மயமத்தின் தலைவர் கமலஹாசன் எம்.பி ஆக பதவி ஏற்க உள்ளது உறுதி ஆகியுள்ளது.

கோயம்பத்தூர்

கோவையில் கொட்டி தீர்க்கும் கன மழை

Published

3 weeks ago

May 26, 2025

ebehind

கோவை மாவட்டத்திற்கு இன்றும் அதி கன மழைக்கான ரெட் அலர்ட் வார்னிங் கொடுக்கப்பட்டு உள்ளது.பலத்த காற்று மற்றும் இடி மின்னலுடன் மழை பெய்ய வாய்ப்பு இருப்பதாகவும், சென்னை வானிலை மையம் கூறி உள்ளது.

கேரளாவில் தென்மேற்கு பருவ மழை தொடங்கியதும் பல்வேறு பகுதிகளில் கனமழை வெளுத்து வாங்கி வருகிறது.கேரளா மற்றும் கேரளாவின் தமிழக எல்லைப் பகுதிகளான கோவை மாவட்டத்தில் பல்வேறு பகுதிகளில் கடந்த 2 நாட்களாக மழை கொட்டி வருகிறது.

இந்நிலையில் கோவை மாவட்டத்தில் சின்ன கல்லாறு பகுதியில் அதிகபட்சமாக 213 மில்லி மீட்டர் மழை பதிவாகி உள்ளது.

சிறுவாணி அடிவாரப் பகுதிகளில் 128 மில்லி மீட்டர் மழையும், வால்பாறை பி.ஏ.பி பகுதியில் 114 மில்லி மீட்டர், வால்பாறை தாலுகாவில் 109 மில்லி மீட்டர் மழையும் வால்பாறை சின்கோனா 124 மில்லி மீட்டர், சோலையார் அணைப்பகுதியில் 99 மில்லி மீட்டர் அதிக அளவில் மழை பதிவாகி உள்ளது.

மேலும் ஆனைமலையில் 28 மில்லி மீட்டர் மழையும், மதுக்கரை தாலுகாவில் 43.20 மில்லி மீட்டரும், ஆழியார் பகுதியில் 60.20 மில்லி மீட்டர் மழையும், பொள்ளாச்சி மக்கினம்பெட்டியில் 80 மில்லி மீட்டர் மழையும், பொள்ளாச்சி தாலுகாவில் 41 மில்லி மீட்டர் மழையும், மேட்டுப்பாளையம் பில்லூர் அணைப் பகுதியில் 22 மில்லி மீட்டர் மழையும், மேட்டுப்பாளையத்தில் 18 மில்லி மீட்டர் மழையும், சூலூர் பகுதியில் 18.40 மில்லி மீட்டர் மழையும் பதிவாகி உள்ளது.